Кеше slashgear.com сайты Google өзінің флагмандық Pixel-7 смартфонында ғажайып функцияны іске қосқанын жариялады. Батырманы бір-ақ рет басып смартфонға түсірілген суретіңізден керек емес адамның бейнесін қалай алып тастауға болатынын Aikyn.kz технологиялық платформаға шыққан материалға сілтеме жасап түсіндіреді.
Google-дің керемет смартфоны Pixel-7 қарапайым адамдардың ерекше сәттерінің фотосын жақсартумен байланысты.
«Сиқырлы өшіргіш» суреттегі ыңғайсыз объектілерді жақсартады. Бөтен итті, артта тұрған бейтаныс адамды алып тастайды. Фотода қажетсіз адамдармен қатар көйлектегі жазуларды да өшіруге болады.
Google жарнамасында мысық өзінің суретінен иттерді өшіріп жатқаны да көрсетілген. Жаңа функцияның көмегімен бұлыңғыр фотолардың тұнықтығын күшейтуге болады.
Pixel-7 жарнамасы 12 ақпанда Америкада Ұлттық футбол лигасының финалдық ойыны Super Bowl ойынында көрсетілді. Америкалық футбол регбиге ұқсайды. Бірақ, өте қатал ойын. Super Bowl Америка Құрама Штаттарының ұлттық мерекесіне айналған. Дәл осы жарыста жарнама көрсету қымбат әрі мәртебе саналады.
Google биылғы Super Bowl-да өзінің Pixel 7 жарнамасын көрсетті. 30 секундтық жарнаманы 3 рет көрсетуге компания 21 миллион доллар төлеген. Бұған түсірілім мен оны дайындауға қатысты шығындар кірмейді.
Компанияның мақсаты үлкен бәсекеге қабілетті смартфондар нарығында артықшылық беру сияқты. Pixel-7-нің жаңа функцияларын Google ерекше мақтан тұтады. Сондықтан оның жарнамасы Super Bowl 2023 ойынында көрсетілді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
