“АМАNАТ” партиясының Төрағасы Ерлан Қошанов сайлаудың алдын ала нәтижесін жариялап, барша партия мүшелерін құттықтады.
Бұл туралы ол Facebook парақшасында хабарлады.
“Жаңа ғана үш экзит-поллдың қорытындысы жарияланды. Алдын ала нәтижелер бойынша, «АМАNАТ» партиясы Мәжіліс пен жергілікті өкілді органдар сайлауында орташа 53,46% дауыс жинап отыр. Барша партия мүшелері мен қолдаушыларымызды құттықтаймын! Бұл қазақстандықтардың басым бөлігінің ұстанымын көрсететін әділ нәтиже екеніне сенімдімін. Партияның сайлауалды бағдарламасын қолдаған халыққа және кандидаттарымызға алғысымыз шексіз! Бұл «АМАNАТ» партиясының барлық мүшесіне үлкен жауапкершілік жүктейді. Біз сайлаушыларымыздың сенімін ақтауға бар күшімізді саламыз!”, – деп жазды ол.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
