СЕМЕЙ. ҚазАқпарат – Абай облысында жеке кәсібін бастағысы келетін көпбалалы отбасыларға биыл 70 грант берілмек, деп хабарлайды ҚазАқпарат тілшісі.
Абай облысы әкімдігінің мәліметіне сүйенсек, өңірде кәсіпкерлерге мемлекет тарапынан жан-жақты қолдау көрсетіліп жатыр. Оның ішінде кәсіпкерлікті дамытудың ұлттық жобасын іске асыру аясында халықтың әлеуметтік осал санатына жататындардың кәсіпкерлік бастамаларын қолдауға 400 АЕК-ке дейінгі өтеусіз грант беріледі.
Осы жылы 204 грант беру жоспарланса, бүгінде оның 128-і берілді. Жаңа өтінімдер 11-22 қыркүйек аралығында қабылданады.
«Жалпы биыл көпбалалы отбасыларға – 70, мүгедектігі бар азаматтарға – 22, мүмкіндігі шектеулі бала тәрбиелеп отырған отбасыларға – 20, АӘК алушыларға – 7, асыраушысынан айырылғандарға – 7, ішкі көші-қонмен келгендерге 2 грант беріледі. Грант алуға жұмыссыздар және кем дегенде тіркеу мерзімі үш жыл болған жеке кәсіпкерлер өтініш бере алады. Бұл ретте, өтініш беруші әлеуметтік осал топ санатының біріне жатуы және оның үш жылдан аспайтын мерзімде «Бастау Бизнес» жобасы аясында кәсіпкерлік негіздерінен оқудан өткені туралы сертификаты болуы тиіс», – делінген ақпаратта.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
