Қытайда өтіп жатқан Азия ойындарында ел қоржынына екінші алтын медаль түсті.
Туризм және спорт министрлігінің хабарлауынша, 10 метр қашықтықтан жылжымалы нысанаға оқ ату сайысында 18 жастағы Зухра Ирназарова чемпион атанды. Отандасымыз 560 ұпай жинап, Солтүстік Кореядан келген екі мергеннен озып кетті.
Бұл – Азиададағы еліміздің ұлттық құрамасы үшін екінші алтын медаль.
«Керемет нәтиже! Зухраны кез келген спортшы үшін маңызды жеңісімен құттықтаймын! Бұл ол үшін соңғы жетістік емес екеніне сенімдімін»,– деді Туризм және спорт министрі Ермек Маржықпаев.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
