фото: maja-dacha.ru
Бүгінде тиісті құжаттар жиналып жатыр
Әділет министрі Азамат Есқараев Алматы апортының Отаны Қазақстан екенін дәлелдеуге қанша уақыт керектігін айтты, деп хабарлады Halyq Uni тілшісі.
Министр тиісті жұмыстардың жүргізіліп жатқанын атап өтті.
Қазір Алматыдағы қауымдастықпен (Алматы апортының Отаны Қазақстан екенін дәлелдеуге қатысты) жұмыс жүргізіп жатырмыз. Бізге олар өзінің арызын жіберді. Кейін оны біз өз жүйемізде тіркеп, тиісті құжаттарды жинап, халықаралық деңгейде тіркеу жұмыстарын жүргіземіз, – деді ол.
Сондай-ақ Азамат Есқараев бұған қанша уақыт керектігін айтып өтті.
«Кем дегенде жарты жыл керек. Біз жинаған құжаттарды Дүниежүзілік зияткерлік меншікті қорғау ұйымына (World Intellectual Property Organіsatіon/ WIPO) жібереміз», – деді министр.
Бұған дейін ол Алматы апортының Отаны Қазақстан екені заң жүзінде дәлелденетінін айтқан еді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
