Фото: gov.kz/Төтенше жағдайлар министрлігі
Ер адамдар Нарынқол ауылынан 80 шақырым жерде Жарбұлақ учаскесінде болған
Алматы облысында екі күннен бері Төтенше жағдайлар департаменті іздеген екі азамат табылды.
Төтенше жағдайлар департаментіне олардың жоғалғаны туралы хабарлама 7 қарашада сағат 16.30-да түскен. Осы кезде Алматы облысы Төтенше жағдайлар департаментінің кезекші бөліміне ұялы нөмірден ер адамнан оның 1987 жылы туған ұлы мен 1961 жылы туған досы екеуі бірге таңертең «Мицубици Монтеро» автокөлігімен Алматы облысы Райымбек ауданы Сарыжаз ауылына қарай кетіп қалғаны және сағат 12.30-дан бастап байланысқа шықпағаны жайлы хабарлама келіп түсті.
Оқиға орнына дереу Алматы облысы ТЖД қызметкерлері жіберілді. Бұл жерден Нарынқол ауылына дейінгі қашықтық – 60 шақырым. Төтенше жағдайлар департаменті мамандарының Сарыжаз ауылына барғанда жоғалған адамдардың орналасқан жерінде ұялы байланыс болмағаны белгілі болды. Әкесінің телефонына шұғыл көмек туралы хабарлама келген.
Іздеу жұмыстары нәтижесінде сағат 22.30-да жоғалған азаматтар Нарынқол ауылынан 80 шақырым жерде Жарбұлақ учаскесінде табылды. Медициналық көмек қажет болмады.
Іздестіру-құтқару жұмыстарына Алматы облысы ТЖД 12 қызметкері мен 3 техникасы, 1 кинологиялық есеп және пилотсыз ұшу аппарат жұмылдырылды. Сондай-ақ жергілікті атқарушы органдардың екі маманы мен шекара қызметінің екі қызметкері қатысты.
Алматы облысының ТЖД азаматтарды жоспарланған маршрутыңыз туралы хабарлауға және қажетті қауіпсіздік шараларын сақтауға шақырады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
