Қазақстан – Қытай 2030 жылға қарай тауар айналымы 40 млрд долларға жетуі мүмкін Биыл 10 қарашада Қазақстан мен Қытай азаматтары үшін визасыз режим күшіне енді. Бұл – азаматтар үшін ерекше маңызы бар екі мемлекет басшыларының маңызды шешімі. Күрделі формальдылықтар мен бюрократиялық кедергілердің жойылуынан соң, не өзгерді? Қытай Халық Республикасының Қазақстан Республикасындағы Төтенше және Өкілетті Елшісі Чжан Сяо өз көзқарасымен бөлісті, деп хабарлайды Kazinform.
«Қазақстан үшін Қытай – екінші экономикалық әлем. Бұл – шексіз мүмкіндіктері бар үлкен нарық. Ол дегеніміз ірі кәсіпкерлер, шағын және орта бизнес, жастар, туризм, тағы сол сияқты. Визасыз режим енгізіліп, шектеулердің барлығы алынып тасталды, бұл Қытай үшін де маңызды. Кәсіпкерлерге бұл жақтан серіктестер табу және бизнес құру енді оңай. Бұл экономикаға оң әсер етеді», – деді елші Чжан Сяо.
Одан бөлек, елші Қытай мен Қазақстанның экономикалық өзара іс-қимылы туралы айта келе, биыл 10 айда екі елдің тауар айналымы 32,7 млрд долларға жеткенін мәлімдеді. Бұл – өткен жылдың 10 айымен салыстырғанда үштен біріне жуығы.
«Жыл соңында динамиканы арттырып 37-38 миллиард долларға рекордты жаңартатын боламыз. Өткен жылдың басында біздің елдеріміздің басшылары Бейжіңдегі кездесу барысында 2030 жылға қарай тауар айналымын 40 млрд долларға жеткізу міндетін қойды. Ағымдағы қарқынмен және тауар айналымының өсуімен біз бұл міндетті келесі жылы дәл орындаймыз. Екі елдің көшбасшыларының жаңа тапсырмалары жаңа міндеттер жүктейді, бұл екі ел үшін де тиімді болады деп ойлаймын», – деді Чжан Сяо.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.