СЕУЛ. KAZINFORM – Оңтүстік Кореяның Канвон қаласында өтетін IV қысқы жасөспірімдер Олимпиадасының жеңімпаздары мен жүлдегерлеріне берілетін медальдар жиынтығының дизайны бойынша байқауда жеңімпаз атанған бразилиялық азаматқа ХОК президенті Томас Бах естелік медальдар жинағын табыс етті.
Бұл туралы Гангвон-2024 жасөспірімдер қысқы Олимпиада ойындарын ұйымдастыру комитеті ресми түрде жариялады.
Айта кетейік, осыған дейін жасөспірімдер арасындағы IV қысқы Олимпиада ойындарының жүлдегерлеріне берілетін медальдің атауы — «Жарқыраған болашақ» екенін, сондай-ақ, медаль дизайынын кімнің жеңіп алғанын жазған болатынбыз.
Олимпиада медалінің дизайнын жасауға арналған байқауға 120 мемлекеттен 3000-нан астам үміткер қатысқаны, солардың арасынан тек 27 жастағы Бразилия азаматы Данте Акира Увайдың туындысы үздік деп танылғаны белгілі болды.
Бүгін Канвон қаласында Халықаралық Олимпиада комитетінің (ХОК) президенті Томас Бах алтын, күміс және қола медальдардың естелік жинағын табыс етті. ХОК президенті Увайды «Жарқын болашақ» деген атпен байқауға қосқан жұмысы үшін алғысын білдірді.
«Медал керемет! Ол нағыз олимпиадалық спорт түрін және олимпиадалық құндылықтарды дизайнға абстрактілі түрде аударады. Мен бұған өте қуаныштымын және спортшылардың тек медаль жеңіп алғанына ғана емес, сондай-ақ шабыттандыратын және керемет медальді жеңіп алғанына да қатты қуанатынына сенімдімін», – деді ХОК президенті.
Өз кезегінде «Осы медальдар жиынтығын ХОК президентінен алу – керемет сәт! Мен үшін құрмет, бұл мен үшін өте ерекше сәт», – деді Увай.
Еске сала кетейік, IV қысқы жасөспірімдер Олимпиадасы биыл 19 қаңтар мен 1 ақпан аралығында Оңтүстік Кореяның Канвон қаласында өтеді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.