– Алматыда «джип» көлігін мінген жүргізуші тұрғын үйдің күзетшісін бірнеше рет басып қана қоймай, оны біренше ұрып-соққан.
Түнгі уақытта болған оқиғаның видеосы әлеуметтік желіге шықты. Видедағы жазбада оқиға «Меркур Таун» элиталық тұрғын үй кешенінде болғаны, салдарынан күзетшінің ауруханада көз жұмғаны жазылған.
Алматы қалалық полиция департаменті кісі өлтіру дерегі бойынша қылмыстық іс қозғалғанын хабарлады.
«Алдын ала мәлімет бойынша, тұрғын үй кешенінің күзетшісі мен тұрғыны арасында жанжал шығып, нәтижесінде 45 жастағы ер адам күзетшіге өмір сүруге сәйкес келмейтін дене жарақаттарын салған. Күдікті уақытша ұстау изоляторына қамалды. Қылмыстың басқа да мән-жайлары анықталуда», – деп жазды Алматы қалалық полиция департаментінің баспасөз қызметі.