Биыл Павлодар облысында полиция 400-ден аса мас жүргізушіні ұстады, деп хабарлады Polisia.kz.
Екібастұз қаласындағы Бауыржан Момышұлы көшесінде мас жүргізуші ВАЗ 21140 көлігін жүргізген. Сондай-ақ Кеншілер-Царев көшелерінің қиылысында мас жүргізуші Mitsubishi Outlander-ді басқарған. Daimler Benz автокөлігін де 38 жастағы мас жүргізуші жүргізген.
Барлық жүргізуші жауапқа тартылды. Көліктер мамандандырылған тұраққа қойылып, әкімшілік іс жүргізу материалдары сотқа жіберілді, – деді Екібастұз қаласы ПБ патрульдік полиция ротасының командирі Болат Мырзалинов.
Сонымен қатар сағат 02:45 шамасында Бауыржан Момышұлы көшесінде BMW x54 автокөлігі тоқтатылды. Жүргізуші көлікті есірткі тұтынып басқарды деген күдік бар. Ол медициналық тексеруден өтуден бас тартқан. Жүргізушіге қатысты ІІО қызметкерінің белгіленген тәртіпке сәйкес мас күйінде куәландырудан өту туралы заңды талабын орындамағаны үшін хаттама толтырылды. Материал сотқа жіберілді.
Айта кетейік, биыл Павлодар облысында полиция көлікті мас күйде жүргізген 420 жүргізушіні анықтаған. Оның 67-сі – Екібастұз қаласында. Барлық құқық бұзушы заң аясында жауапқа тартылды.
Айта кетейік, жыл сайын елімізде мас жүргізушілердің кесірінен 100 адам көз жұмады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
