– Иранда Ислам консультативтік Кеңесіне парламенттік сайлаудың екінші туры басталды, оның барысында бүкіл ел бойынша 22 округтегі сайлаушылар қалған 45 орынға депутаттыққа кандидаттарды сайлайды.
Сайлау учаскелері жұма күні жергілікті уақыт бойынша таңғы сағат 8-де (Астана уақыты бойынша 09:30) ашылды. Иранның 15 провинциясында дауыс беру өтіп жатыр, парламенттегі 45 орынға 90 кандидат таласып жатыр.
Елдің сайлау комиссиясы дауыс беру жергілікті уақыт бойынша сағат 18:00-ге дейін жалғасатынын, егер ішкі істер министрі қажет деп тапса, ұзартылуы мүмкін екенін хабарлады.
Исламдық кеңес (Мәжіліс деп те аталады) – 4 жыл мерзімге сайланатын 290 депутаттан тұратын Иран Ислам Республикасының бір палаталы парламенті.
Бірінші тур 2024 жылдың 1 наурызында өтті. Нәтижесінде парламентке 245 кандидат келді. Қалған 45 орынның тағдыры бүгінгі сайлаудың екінші кезеңінде анықталады.
Иранның 85 миллион халқының 61 миллионнан астамы дауыс беру құқығына ие. Сайлаудың бірінші кезеңінде сайлауға қатысу деңгейі шамамен 41 пайызды немесе 25 миллион адамды құрады.
Иранның жоғары көшбасшысы Әли Хаменеи мамырдың 10-ы күні таңертең ерте дауыс беріп, екінші турдың маңыздылығына тоқталып, Иран халқын сайлаудың осы кезеңіне бірінші турдағыдай қатысуға шақырды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.