– Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Қазақстан мен Қытай арасындағы транзит және көлік қатынасы саласындағы ынтымақтастықты дамытудың өзекті тұстарына тоқталды.
«Бүгін қол қойылған инновациялар және ауыл шаруашылығы саласындағы кіші комитеттерді құру туралы хаттама екіжақты жоспарлардың іске асуына арқау болары сөзсіз. Осы құжатта көзделгендей, ауыл шаруашылығы өнімдерін шығаруда және терең өңдеуде өзара тиімді жобаларды жүзеге асыру үшін біздің Үкімет Қытай бизнесіне қолғабыс көрсетуге әзір», – деді Мұрат Нұртілеу Қытайдың Сыртқы істер министрімен кездесуден кейін БАҚ-қа мәлімдеме жасап.
Оның айтуынша, күрделі гео-экономикалық ахуалда транзиттік және көліктік ынтымақтастықты дамытудың өзектілігі өсуде.
«Қытайдың «Бір белдеу, бір жол» бастамасы мен стратегиялық маңызға ие болған Транскаспий халықаралық көлік маршруты бір-бірін толықтырып, ортақ мақсаттарды көздейді. Осы тұста, екі елдің теміржол мен автокөлік бекеттерінің өткізу қабілеттерін арттыру және 3-ші теміржол өткелін салу мәселелерін дәйекті түрде талқыладық. Екіжақты сауда-экономикалық және инвестиция саласындағы барлық қадам халықтарымыздың әл-ауқатын жақсартуға бағытталған», – дейді М. Нұртілеу.
Айта кетейік, бүгін Қытай Халық Республикасының Сыртқы істер министрі Ван И Қазақстанға ресми сапармен келді.
Сапар аясында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеумен шағын және кеңейтілген құрамдағы келіссөздер жүрді. Содан соң ведомство басшылары екіжақты құжаттарға қол қойды.
Қазақстан Қытай компанияларын сирек кездесетін минералдарды бірлесіп игеруге шақырып отыр.
Сондай-ақ, Қытай Қазақстанмен жасанды интеллект саласында ынтымақтастықты дамытуға ниетті.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.