фото:ашықдереккөз
Бағдарлама 5 жылға дейінгі мерзімге жылдық 2,5% сыйақы мөлшерлемесімен шағын несие беруді қарастырады. Мал шаруашылығы жобаларына шағын несие беру мерзімі 7 жылға дейін жоспарланған. Шағын несиенің ең жоғары сомасы 2,5 мың АЕК-ке дейін (9,2 млн теңге), ауыл шаруашылығы кооперативтерін дамыту үшін – 8 мың АЕК-ке дейін (29,5 млн теңге). Ауыл шаруашылығы және жер қатынастары басқармасының мәліметінше, Қостанай облысына бағдарламаны жүзеге асыруға 2024 жылы 3 млрд теңге бөлінсе, өткен жылы ол 1,6 млрд теңгені құрап, 89 пайызға өскен. Алдағы уақытта 465 шағын несие беру жоспарлануда. Жалпы, шағын несие бағдарламасы ауыл тұрғындарының негізінен мал шаруашылығын дамытуға мүдделі екенін көрсетті. 2023 жылдың қорытындысы бойынша өңірде ең көп өтініш мал шаруашылығы саласына түсті.
«Ауыл аманатын» жобасын жүзеге асыру аясында ауыл шаруашылығы кооперациясын дамытуға ерекше көңіл бөлінуде. Жыл басынан бері Қостанай облысында 44 мал шаруашылығы кооперативтері жұмыс істейді: сүт – 15 және ет – 29 (бордақылау және тұқымды өзгерту). Биыл облыста 31 кооператив құру жоспарлануда, оның ішінде 28-і мал шаруашылығы, үшеуі өсімдік шаруашылығы бойынша. Жұмыс істеп тұрғандардың ішінде төрт ауыл шаруашылығы кооперативі осы бағдарламаға қатысуды жоспарлап отыр. Еске салайық, Салық кодексінде ауыл шаруашылығы кооперативтері үшін салықтың бес түрі (корпоративтік табыс салығы, жеке табыс салығы, әлеуметтік салық, мүлік салығы, көлік құралдары салығы) бойынша 70 пайыздық жеңілдік қарастырылған арнайы салық режимі қарастырылған.
ЖЖұманбаева
altyalaash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
