АҚШ президенті Джо Байден президенттік бәсекеден шығатынын мәлімдеді. Бұл туралы саясаткер өзінің X әлеуметтік желісіндегі ресми парақшасында мәлімдеді.
Байден президенттік бәсекеден кетуге шешім қабылдағанын, сайлауда АҚШ вице-президенті Камала Харристі қолдайтынын айтты.
Президент ретінде қызмет ету мен үшін үлкен мәртебе болды. Мен қайта сайлануға ниет білдірсем де, сайлаудан шығып, президент ретінде лауазымдық міндетім толық аяқталғанша қызметімді атқарсам бұл партия мен ел үшін тиімді болады деп ойлаймын.
Бүгінде Америка әлемдегі ең күшті экономикаға ие. Біз еліміздің қалпына келуі, қарттар үшін рецептуралық дәрі-дәрмек бағасын төмендету мен америкалықтар үшін рекордтық көрсеткішке айналған қолжетімді медициналық қызмет көрсетуді кеңейту үшін тарихи инвестиция жасадық. Біз уытты заттардың ықпалына ұшыраған миллиондаған ардагерге қажетті көмекті барынша көрсеттік. 30 жылда алғаш рет қару-жарақ қауіпсіздігі туралы заңды қабылдадық, – деп атап өтті ол.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
