Астана мектептерінде этно және археологиялық лагерьлер жұмыс істейді

Биылғы жазда демалыстың барлық түрі бойынша 200 мыңнан астам оқушы қамтылды. Балалардың ойын-сауық демалысын ұйымдастыру мақсатында елордалық 10 мектепте 5-8 сынып оқушыларына арналған археологиялық лагерьлер жұмыс істейді,

Қала мектептерінде бастауыш және орта сынып оқушылары үшін тақырыптық лагерьлер ұйымдастырылды, деп мәлімдеді Астана әкімдігі.

Сонымен, №69 мектеп-гимназиясы 4 демалыс бағыты жұмыс істейді. Солардың бірі – «Бозоқ» археологиялық лагері.

Бізде жазғы лагерьлердің төрт бағыты бар. Олардың бірі – «Бозоқ» археологиялық лагері. Лагерьді тарих пәнінің мұғалімдері ұйымдастырады. Олар ғылыми жұмыстар жүргізеді, археологтардың жұмысын айқын көрсетеді. Сондай-ақ оқушылар Ұлттық музейге барып, жақында «Алтын адам» археологиялық олжасымен танысты», – деді қазақ тілі мен әдебиеті пәні мұғалімі Толқын Байжұманова.

Лагерьдің атауы кездейсоқ таңдалмаған, №69 мектеп-гимназиясының жанында ежелгі Бозоқ қалашығы орналасқан. Осы бағыт аясында оқушылар тарих пен археологияны оқиды.

«Бозоқ қалашығын археолог Кемел Ақышев ашып, зерттеді. Мен оқитын №69 мектеп-гимназия оның есімімен аталады. Археологтың олжалары біздің мектеп пен қаланың мұражайларында сақталған. Археологиялық лагерьде біз Бозоқ қалашығын және басқа да тарихи ескерткіштерді зерттейміз. Мен ата-бабаларымыздың ежелгі жерлерді қалай зерттеп, ашқанын білгім келеді», – деді 5-сынып оқушысы Мырзабек Сеелкан.

Археологиялық лагерьден басқа, №69 мектеп-гимназиясында этникалық бағыт ерекше танымал. Этнолагерьге баратын оқушылар қазақ халқының салт-дәстүрлерін, ұлттық қолөнерін үйренеді. Жазғы маусымның басынан бері археологиялық және этнолагерьге барлығы 450-ге жуық оқушы барды.