фото:ашықдереккөз
Қазақстан сүт өндірісінде заманауи технологияларды қолдануға құлықты. Себебі әлем елдерінде ауыл шаруашылығы бағытында бәсекелестік орнату аса маңызды. Павлодар облысында осыған байланысты жаңа заманауи сүт фермасының құрылысы басталды. Енді аймақта жоғары сапалы сүт өнімдері шығарылатын болады. Өңірге қарасты Ковалевка ауылында салынып жатқан бұл ферма ауыл-аймақты ғана емес, ел көлемінде де сүт өнімдерін өндірумен айналысады. Ал дәл осындай бағыттағы сүт фермаларын көптеп салу мемлекеттің негізіг мақсаттарының бірі. Себебі заман талабына сай жұмыс істеу, әрі технологиясы дамыған кәсіпорындарда сапалы өнім өндірілері сөзсіз. Өндірісте жаңа технологияларды пайдалану қара үнемдейді және бизнестің тиімділігін арттырады. Құны 3,1 млрд теңгені құрайтын жобаны «БИК» шаруа қожалығы қазір сүт фермасының құрылысымен айналысуда. «БИК» шаруа қожалығы егін шаруашылығымен және мал шаруашылығымен айналысады, 50 мың гектардан астам егістік алқабы бар, ет бағытындағы ангус сиырын өсіреді. Биыл компания роботтандырылған сүт фермасын пайдалануға беруді жоспарлап отыр.
«БИК» шаруа қожалығының басшысы Қуаныш Баймағамбетовтың айтуынша, 500 басқа арналған сүт-тауарлы ферма құрылысының инвестициялық жобасын жүзеге асыру 2022 жылы басталған. Бүгінгі күні жобаға инвестордың жеке қаражатынан 900,0 млн теңгеге жуық инвестиция салынса, Солтүстік Қазақстанның тәжірибесін молайту бағдарламасы аясында тағы 2,2 млрд теңге алынған. Қазіргі таңда құрал-жабдықтарды сатып алуға келісім-шарт жасалып, сиыр қорасы мен бұзау қора орнатылып, сэндвич-панельдер орнатылуда. Голландиялық Lely компаниясы шығарған 6 роботқа тапсырыс берілді.
Шаруа қожалығының басшысы Қуаныш Баймағамбетов робот-сауыншыларды қолдану соматикалық жасушалары аз, жоғары сапалы сүт алуға мүмкіндік беретінін айтады. Бірінші кезеңде сауын саны 400 басқа жоспарланған. Құнажындар селекциялық-асыл тұқымдық жұмысы жоғары деңгейге жеткен ақтөбелік «Айс» серіктестігінен алынады. Құрылыс-монтаж жұмыстары 2024 жылдың желтоқсан айында аяқталады. Шаруа қожалығы алғашқы сүтті 2025 жылдың жазында шығаруды жоспарлап отыр. Солтүстік Қазақстан облысының тәжірибесін қайталау бағдарламасы аясында жүзеге асырылған 65 МТФ-ның қуаттылығы 67 мың тоннаны құрайтын 16 шаруа қожалығы іске қосылғанын қосамыз. Басқа жобалар бойынша да жұмыс жалғасуда. Алдағы уақытта егін шаруашылығын нығайтып, фермаларды жем-шөппен қамтамасыз ету басты назарға алынып отыр.
Ж.Жұманбаева
altyalash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
