– ҚР Мәдениет және ақпарат министрлігі «Масс-медиа саласындағы мемлекеттік қызметтер көрсету қағидаларын бекіту туралы» бұйрық жобасын қоғамдық талқылауды бастау туралы хабарлайды.
Министрлік бұйрық жобасы қолжетімді екенін, бұл ретте тұрғындарды жобаны талқылауға шақырды.
Құжатқа түсіндірме жазбада бұйрық жобасын іске асыру қаржылық шығындарды талап етпейтіні және теріс әлеуметтік-экономикалық және (немесе) өзге де құқықтық салдарларға әкеп соқпайтыны және ұлттық қауіпсіздікті қамтамасыз етуге әсер етпейтіні атап өтіледі.
Бұйрық жобасы биылғы 16 тамызға дейін қоғамдық талқылауға жатады.
Айта кетейік, «Масс-медиа туралы» ҚР Заңы Мемлекет басшысының 2022 жылғы 16 наурыздағы «Жаңа Қазақстан: жаңару мен жаңғыру жолы» атты Қазақстан халқына Жолдауында мемлекеттің мүдделерін, қоғамның сұраныстарын және медиа саласының даму үрдістерін ескере отырып, бұқаралық ақпарат құралдары туралы заңды қайта қарау туралы берген тапсырмасын орындау мақсатында әзірленген болатын.
Бұған дейін Мемлекет басшысы журналистермен кездесуде «Масс-медиа туралы» заң өте маңызды құжат екенін атап өтті. Сонымен қатар аталған заң ақпараттық дербестігімізді нығайтуға мүмкіндік беретінін ескертті.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.