Елорданың Сарыарқа ауданында Шекарашылар күніне орай С.Сейфуллин көшесінде салтанатты түрде мурал ашылды, деп хабарлайды Астана әкімдігінің ресми сайты.
Муралдың биіктігі 18 метрді құрайды, онда шекара қызметінің белгілері көрініс тапқан. Оның композициясында ел шетіндегі қауіпсіздікті қамтамасыз ететін шекарашылардың маңыздылығын білдіретін әуе және теңіз кемелері үйлесімді бейнеленген.
Ашылу салтанатына Қазақстан Республикасы Шекара қызметінің ардагерлері мен басшылығы, сондай-ақ Сарыарқа ауданы әкімдігінің өкілдері қатысты.
Жиында «Астана» шекаралық бақылау басқармасының бастығы полковник Мақсат Ахметқалиев құттықтау сөз сөйледі.
«Қазіргі шекарашылар заманауи қару-жарақпен, технологиямен қаруланған, бірақ олардың жұмысында ең бастысы – патриотизм мен батылдық. Біз бұл қиын мамандықты таңдап, осы жолда Отанымызға, оның мемлекеттік шекараларын қорғауда абыроймен қызмет етуіміз керек. Мереке құтты болсын, шекарашылар мен Шекара қызметінің ардагерлері!» – деді полковник Мақсат Ахметқалиев.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
