АУЫЛ ШАРУАШЫЛЫҒЫ САЛАСЫНДА НЕСИЕ АЛУДЫ ОҢТАЙЛАНДЫРУ ҚАЖЕТ

фото:ашықдереккөз

Мемлекет басшысы Қасым-Жомарт Тоқаев Қазақстан халқына жолдауында ауыл шаруашылығы саласына айрықша маңыз беру керек екенін айтты. Экономиканың негізгі драйвері саналатын бұл саланы дамытуға ерекше назар аударылу қажет. Ең алдымен, шаруа үшін маңыздысы – несие алуды оңтайландыру. Президенттің Жолдауда басымдық берген мәселелерінің бірі осы. Тасқын судың кесірінен болған қиындықтарға қарамастан, шаруалар өз қызметтерін атқара алды. Бұрынғымен салыстырғанда биыл егін науқанына 2 есе көп қаражат бөлінгенін де айта кету керек. Дегенмен салаға бюджеттен бөлінген қаржының басым бөлігі, яғни, 70 пайызы – мемлекеттен. Қасым-Жомарт Тоқаев бұл тұрғыда банктердің де үлесін арттыру қажеттігіне маңыз берді.

«Бұл салаға коммерциялық банктердің қаражатын да тарту қажет. Диқандарға өсімі аз несие беру үшін мемлекеттік қаржы институттарын субсидиялау шаралары қолға алынды. Банктерге қатысты осындай тәжірибені қолдану керек. Мұның бәрі шаруаларды айналымға қажетті қаражатпен шұғыл қамтамасыз етуге, сыбайлас жемқорлық қатерін азайтуға және несие алуды оңтайландыруға жол ашады» – деді мемлекет басшысы өз Жолдауында.

Бұл саланы дамытудың бірден бір жолы – арзан несие беру. Сарапшылар да Президенттің бұл бастамасын қос қолдап қолдап отыр. С.Сейфуллин атындағы Қазақ агротехникалық зерттеу университетінің экономика PhD доктаранты Үкібай Нұрпейісовтің айтуынша, агробанктер іске қосылса, өнім көлемі де көбейеді.

«Мен Президенттің ауыл шаруашылығына қатысты бастамаларын қолдаймын. Ең маңызды тақырыптардың бірі – егістік алаңдарын көбейту және елді-мекендердің әлеуметтік жағдайын түзеу. Мемлекет басшысы кейбір егістіктердің іс жүзінде емес, қағаз жүзінде екенін айтты. Өкінішке қарай, бұл шындық. Меніңше, елімізде агробанктерді іске қосу керек. Сонда ғана шаруашалрдың жауапкершілігі артып, халықты жұмыспен қамтуға, ауылдың тұрмыс-тіршілігінің жақсаруына едәуір үлесін қосады. Әрі соңғы 5 жылда өнім көлемі де көбейеді» – деді Үкібай Нұрпейіс.

Ауыл шаруашылығы саласындағы ірі бағдарламалардың бірі «Ауыл аманаты» нәтижеді істер атқарып келеді. Онымен қоса «Бір ауыл – бір өнім» бағдаралмасы іске қосылғалы тұр. Егер сарапшы айтқандай, агробанктер арқылы даму мүмкіндігі туса, ауылдардан шағын брендтер пайда болады.

Мемлекет басшысы бөлінген қаржының «бармақ басты, көз қысты» жолымен жоғалып кетпесі үшін, тиімді жұмсалғанын тексеріп отыру қажеттігін айтты. Алайда шындыққа жанаспайтын ақпарат беріп, жалған статистика жасау шынайы ахуалды білуге және бағалауға кедергі екені де мәлім. Арнайы комиссиясының анықтауынша, 2 миллион ірі қара және 3 миллионнан астам уақ мал санда бар, санатта жоқ екенін анықтаған. Егін шаруашылығында да дәл соы мәселе. Субсидия алу үшін көзбояулышылқ жасайтындардың жолын кесу міндеті тұрғанын мемлекет басшысы тілге тиек етті.

Ж.Жұманбаева

altyalash.kz