Атом энергетика саласында жұмыс істейтін жас маман Маржан Елтизарова елімізде АЭС салуға қарсы емес екенін жеткізді. Ол – Маңғыстау атом электр комбинатында БН-350 реакторлық қондырғысының техникалық қолдау көрсету бөлімінің инженер-технологы.
«Жас маман ретінде мен АЭС салуды қолдаймын. Менің ойым – түзу. Атом энергетикасы – сенімді, тұрақты энергия көзі. Әлемде көптеген елдер атом энергетикасын пайдаланады» – дейді Маржан Елтизарова.
Маржанның сөзінше, АЭС – ең тиімді, таза энергия өндіру көзі.
«Біз білетін әлемдік 17 тұрақты даму жоспары бар. АЭС құрылатын болса, біз жетінші тұрақты даму жоспарын, таза энергия көзін қолданамыз. Бұл – ең тиімді, пайдалы, шығыны өте аз болатын энергия көзі. Жерден көмір қазғанда ауа, су, климат ластанады, ал АЭС салынса, қоршаған орта барынша таза болады» – дейді жас маман.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
