фото:ашықдереккөз
Қазақстан 1991 жылы Тәуелсіздік алған тұста қазақ халқы аңсаған арманына қол жеткізгендей болды. Артынша рәміздерімізді қабылдап, көк туымызды көкте желбіреттік. «Менің Қазақстаным» атты Әнұранымыз жастарға рух сыйлап, күш-жігерін арттырды. Соның арқасында Қазақстан Орталық Азиядағы абыройлы елге айналды. Жастардың бойында патриоттық сезімді арттыру үшін рәміздердің рөлі зор. Өйткені көк туымыз тек Олимпиада төрінде ғана емес, әр атқан таңымызда еліміздің амандығы мен халқымыздың саулығында да байрағымыз желбіреп, бейбіт күндердің нышанына айналды. Тарих ғылымдарының кандидаты Құндызай Ерімбетова туды жасау кезінде ашық түске үлкен мән берілгенін, оның аспан түстес болып таңдалуы да бекер емес екенін айтады.
««Мемлекеттік рәміздер – Қазақстан Республикасының егеменді мемлекеттілігінің өткені, бүгіні және болашағы арасындағы тарихи сабақтастықтың жарқын көрінісі Рәміздер халықтың асқақ рухын, ерлігі мен даналығын танытуымен де құнды. олардың асқақ армандары, тұрмыс-салт ерекшеліктерінің бейнелері қалыптасты. Қазақстанның көне елді мекендеріндегі түрлі ою-өрнектер біздің ғалымдардың назарын аударып, адамзат мәдениетінің құнды жәдігерлері қатарына қосылды. Ежелгі түркілердің санасында қалыптасқан, бірлік, бірегейлік және өзара ынтымақтастық идеяларына құрылған таңбалар болашақтың елтаңбасының үлгісіне айналды», – деді Құндызай Ерімбетова.
Жастар да мемлекеттік рәміздерді қорламай, оны әрдайым қорғауға, ел абыройына нұқсан келтірмеуді білуі қажет. Мұны алдыңғы буын да кейінгі ұрпаққа жастайынан үйретіп, насихаттағаны абзал.
«Біз әрқашан мұндай жағдайлардың жолын кесуіміз керек және олардың нағыз қазақстандық үшін орынсыз қаралуына жол бермеуіміз керек және болашақта мұндай оқиғаларға жол бермеуіміз керек. Ол үшін патриоттық шараларды көбірек өткізіп, олардың біз үшін екенін көрсетуіміз керек. Бұл тек мереке қарсаңында ғана емес, жыл бойы тұрақты түрде өткізілетінін білдіреді», – дейді студенттер альясының мүшесі Ілияс Түстікбаев.
Мемлекеттік рәміздерді – елдің, халықтың ажырамас бөлігі.Оны қорғайтын Заң да бар. Қазақстан Республикасының Қылмыстық кодексінің «Мемлекеттік рәміздерді қорлау» 372-бабына өзгерістер мен толықтырулар енгізіле отырып, құқық бұзғандар жауапкершілікке тартылады. «Тәрбие тал бесіктен» деп дана халқымыз бекер айтпаса керек. Сол себепті рәміздердің маңыздылығын арттыру үшін бүгінде мектептер мен балабақшаларда, оқу орындарында жастарға түсіндіру жұмыстары жүргізіліп, ерекше көңіл бөлініп жатыр.
Ж.Жұманбаева
altyalash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
