Дүниежүзілік тазалық күнінде қорғаныс ведомствосының өкілдері жұмыс киімдерін киіп, қолдарына күрек алып, көшелер мен тұрғын алаптарды тазалауға шықты.Бұл туралы zamandas.kz хабарлайды Қорғаныс министрлігі баспасөз қызметіне сілтеме жасап.
Бөлімшелердің жеке құрамы көшелер мен қоғамдық орындарды, арық кәріздерін тазалап, ағаш отырғызды. Жалпықалалық сенбілікке қатысқан әскери қызметшілер “Таза Қазақстан. Астана – тазалық пен тәртіптің үлгісі” акциясына қолдау білдірді.
Қорғаныс министрлігінің басқармалары мен департаменттері Ақмешіт көшесінің бойымен Сығанақтан Жәнібек-Керей хандар көшелеріне дейін тазартты. Қарулы күштер Бас штабының құрылымдық бөлімшелері министрліктің әкімшілік ғимаратының айналасын тазалаумен айналысты.
Құрлық әскерлерінің әскери қызметшілеріне Қарулы күштердің құрылымдық бөлімшелерінің әкімшілік ғимараттарының айналасындағы учаскелер, сондай-ақ Ақмола өңірлік гарнизонында орналасқан әскери бөлімдер мен мекемелердің аумақтары бекітілді.
Сонымен қатар, қорғаныс ведомствосының жеке құрамы Шәкәрім Құдайбердіұлы даңғылындағы, Жансүгіров пен Янушкевич көшелеріндегі тұрғын үйлер мен Ильинка кентіндегі коттедж қалашығындағы әскери қызметшілердің тұратын жерлерін жинауға тартылды.
Әскери дәрігерлер сенбілікке шыққандарға медициналық қолдау көрсетсе, Тәрбие және идеологиялық жұмыс департаментінің офицерлері ақпараттық сүйемелдеуді ұйымдастырды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
