Ауыл шаруашылығы вице-министрі Ермек Кенжеханұлы ҚХР делегациясының өкілдерімен кездесу өткізді. Оның құрамына CITIC Construction ауылшаруашылық инвестициялық кеңесшісі Ян Цзинши, сондай-ақ Shanghai Sidacheng Biotechnology Co., Ltd, Shandong Jincheng Pharmaceutical, Fengshang Huinong компанияларының өкілдері кірді.
Кездесу барысында тараптар Қазақстанның агроөнеркәсіптік кешенін дамыту мәселелерін, сондай-ақ жылдық қуаты 300 000 тонна бидайды терең өңдеу жөніндегі өндірістік желіні салу жобасын іске асыруды талқылады.
Жобаның инвесторы-қытайлық CITIC Construction компаниясы. Инвестицияның жалпы көлемі шамамен 1,07 миллиард АҚШ доллары, ал өнімнің жалпы құны 1,87 миллиард АҚШ долларын құрайды. 2000-нан астам жұмыс орнын құру жоспарлануда.
Жоба Алматы облысындағы «Қазбек бек» индустриалды аймағының аумағында жүзеге асырылады. Зауыт мальтоза шәрбаты, фруктоза шәрбаты, кристалды фруктоза, аллюлоза, кристалды декстроза, натрий глюконаты, глютенді қосалқы өнімдер мен жем сияқты өнімдерді шығаратын болады.
Қазіргі уақытта нысанды қажетті инфрақұрылыммен уақытылы қамтамасыз ету мәселесі шешілуде.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
