фото:ашықдереккөз
«Almaty Finance» еншілес ұйымы биылғы жылдың 9 айында алматылықтарға шағын және микро бизнесті дамыту үшін 80-нен астам жеңілдетілген несие берді. Несиелердің ең көп бөлігін өндіріс және өңдеу (30%), денсаулық сақтау (17%), білім беру (10%), халыққа қызмет көрсету (10%), туризм (6%), әлеуметтік кәсіпкерлік салаларындағы жобалары бар кәсіпкерлер алған.
Осы кезеңде қаржыландырудың жалпы сомасы 2,6 млрд теңгеден асты. «Алматы Бизнес-2025» өңірлік кәсіпкерлікті дамыту бағдарламасы аясында ісін жаңа бастаған және жұмыс істеп жатқан кәсіпкерлер жылдық 2% және 6% жеңілдікпен несие алды. Ақша жабдықты, шикізатты сатып алуға, айналым қqаражатын толықтыруға және басқа да бизнес қажеттіліктерін жабуға бөлінеді.
Алматы қаласында несиенің максималды сомасы 73 840 000 теңге, мерзімі 7 жылға дейін беріледі. Барлығы 2019 жылдан бастап 2024 жылдың 3 тоқсанына дейін Алматы МҚҰ шамамен 12,5 млрд теңгеге 560-тан астам шағын және микро бизнес жобаларын қаржыландырды.
«Алматыда «Алматы бизнес» бағдарламасы бойынша микроқаржы ұйымдарын жеңілдетілген несиелендіру аясында қалада 2300-ден астам жұмыс орны ашылды. Жаңа кәсіпкерлік субъектілерінің пайда болуымен қатар, бағдарлама жергілікті бюджетке салық түсімдерін арттыруға да белсенді ықпал етуде», – деп атап өтті Алматы қаласы МҚҰ Басқарма төрағасы Алтай Исмағамбетов.
Ж.Жұманбаева
altyalash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
