Жезқазғанның басқа мемлекеттік мектептерінде экобокстар орнату жоспарлануда

Қазақстан Республикасы Экология және табиғи ресурстар министрлігі мен «Жасыл даму» АҚ қолдауымен ұйымдастырылған «Таза Like» акциясы аясында қала мектептерінде өскелең ұрпақтың бойында экологиялық мәдениетті қалыптастыруға бағытталған іс-шаралар өтуде. Акция №1 жалпы білім беру мектебінде, Қаныш Сәтбаев атындағы №7 лицейі мен №13 жалпы білім беру мектебінде экобокстар орнатудан басталды, онда оқушылар қоршаған ортаны сақтауға өз үлестерін қоса отырып, қалдықтарды бөлек жинай алады.

Бастаманың мәні қарапайым, бірақ маңызды: балаларға қалдықтарды қалай дұрыс сұрыптау керектігі, сондай-ақ оны қайта өңдеудің маңыздылығы туралы айтылады. Экобокстарға назар аудара отырып, ұйымдастырушылар қайта өңдеуге дұрыс көзқарас қоршаған ортаның ластануын азайтуға ғана емес, сонымен қатар материалдарды қайта пайдалану мәдениетін қалыптастыруға ықпал ететінін еске салады.

««Taza Like» акциясы табиғатқа қамқорлық жасаудың қаншалықты маңызды екенін түсінуге көмектеседі. Бастауыш сыныптардан бастап біз экологияға жауапты болуды және планетамызды қорғауды үйрене аламыз. Бұл біздің еліміздің болашағы үшін маңызды және мұндай бағдарламалар әрқайсымызға қоршаған ортаны қорғаудағы өз рөлімізді түсінуге көмектеседі», – деді №1 жалпы білім беру мектебінің оқушы.

Бірақ оқушылар ғана емес, акцияның ересек қатысушылары да осындай іс-шаралардың маңыздылығына көз жеткізді. «Жасыл даму» АҚ Басқарма төрағасының орынбасары Нұржан Кеңесбайұлы акцияға қатысу экологиялық сауаттылыққа маңызды қадам болатынына және болашақ ұрпаққа климаттың өзгеруі және биоәртүрліліктің жойылуы сияқты жаһандық экологиялық проблемаларға әкелетін қателіктерден аулақ болуға көмектесетініне сенім білдірді.

«Осы акцияның нәтижесінде біз оқушылардың экологиялық сауаттылық деңгейі артады деп күтеміз, ал олар өз кезегінде бұл білімді туыстары мен достарына айтады. Балаларға қалдықтарды сұрыптауды әдетке айналдыра отырып, біз қоғамымыздың тұрақты дамуына маңызды қадам жасаймыз. Алдағы уақытта Жезқазғанның басқа мемлекеттік мектептерінде экобокстар орнату жоспарлануда», – деді Нұржан Кеңесбайұлы.

Бұдан басқа, «Жасыл даму» АҚ әзірлеген «EcoQolday» мобильді қосымшасы арқылы оқушылар экологиялық жағдайды жақсартуға өз үлестерін қоса отырып, сұрыпталған қалдықтарды уақтылы тапсыруға мүмкіндік алады. Бұл қосымша пайдаланушыларға сұрыпталған қалдықтарды жинаушыларға әрі қарай қайта өңдеу үшін ыңғайлы және жылдам беруге мүмкіндік береді, қоршаған ортаны сақтауға және ресурстарға жауапкершілікпен қарау мәдениетін қалыптастыруға ықпал етеді.

Ұйымдастырушылар бұл акция өмір бойы қайта өңдеу және тұрақты тұтыну идеяларын қолдайтын экологиялық жауапты азаматтарды біріктіругекөмектесетініне сенімді. Экобокстарды орнату және мектептерде білім беру іс-шараларын өткізу планета үшін оң өзгерістердің бір бөлігі болады.