Сенаттың Әлеуметтік-мәдени даму және ғылым комитетінің төрағасы Нұртөре Жүсіп Иран Ислам Республикасы Мәжілісі депутаттарының делегациясымен кездесті. Тараптар екіжақты ынтымақтастықтың маңызды бағыттарымен бірге парламентаралық диалогты дамыту, сауда-экономикалық және инвестициялық байланыстарды кеңейту, сондай-ақ бірлескен инфрақұрылым мен логистика жобаларын іске асыру мәселелерін талқылады.
Нұртөре Жүсіп өз сөзінде Иран Қазақстанның Каспий маңы өңіріндегі сенімді және стратегиялық маңызды әріптесі екенін атап өтті. Ол қазақстандық тараптың екіжақты ынтымақтастықты одан әрі нығайтуға ниетті екенін айта келіп, парламентаралық диалогты дамытудың маңыздылығына тоқталды.
«Қазақстан Иранмен тығыз қарым-қатынасты әрқашан жоғары бағалайды және өзара тиімді және ұзақ мерзімді әріптестікті одан әрі нығайтуға ұмтылады. Біздің елдеріміз арасында дипломатиялық қатынастар орнаған сәттен бастап жоғары деңгейде тұрақты саяси диалог қалыптасты. Заң шығару саласында тәжірибе алмасу және парламенттердің құзыретіне кіретін өзекті мәселелерді шешуде достық топтарының әлеуетін кеңірек пайдалану маңызды. Біз парламентаралық өзара іс-қимылды іс жүзінде жалғастыруға ерекше мән береміз», – деді сенатор.
Ираннан келген парламентшілер өз кезегінде Қазақстанмен барлық деңгейдегі ынтымақтастықты одан әрі нығайтудың маңызына тоқтала келіп, екіжақты өзара іс-қимылдың жоғары әлеуетін атап өтті.
Суретті түсірген: А.Байжұманов
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
