Көкшетауда көпбейінді облыстық аурухананың перинаталдық орталығының базасында «Дені сау ана» пансионатының ашылуы өтті. Ақмола облысы әкімдігінің қолдауымен ҚР Денсаулық сақтау министрлігінің бастамасымен құрылған жаңа нысан ана мен баланың денсаулығын сақтауға және перинаталдық нәтижелерді жақсартуға бағытталған.
Пансионат облыстың шалғай және ауылдық аудандарынан асқыну қаупі жоғары жүкті әйелдерді жоспарлы емдеуге жатқызу үшін 10 төсекке есептелген. Қажет болған жағдайда, қуат 20 төсекке дейін кеңейтілуі мүмкін.
Болашақ босанатын әйелдер мұнда босану алдында медицина қызметкерлерінің динамикалық бақылауында болады. Акушерлер жүкті әйелдер мен ұрықтың жағдайын тәулік бойы бақылайды. Босану басталғаннан бастап және қандай да бір шағымдар анықталғаннан кейін дәрігерлер жедел медициналық көмек көрсетеді.
Пансионат білікті медициналық көмектің ерте кезеңде қолжетімділігін қамтамасыз етуге, асқынуларды уақтылы анықтауға және жедел тәсілдік шешімдер қабылдауға, сол арқылы сыни жағдайлардың алдын алуға мүмкіндік береді.
Ашылу салтанатына облыс әкімінің орынбасары Алтынай Әміренова қатысты.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
