2025 жылғы егін жинау науқанының барысы

Ағымдағы жылы облыс бойынша егіс алқабы 5 млн 112 мың гектарды құрайды.
Ең үлкен үлесті дәнді дақылдар алып отыр – 4,1 млн гектар жерден өнім жиналуға тиіс, оның ішінде бидай – 3,4 млн гектар. Биыл майлы дақылдардың көлемі 873,5 мың гектарға жетті,-деп хабарлайды Қостанай облысы әкімдігінің баспасөз қызметі.

Қазіргі кезеңде дәнді дақылдар 1 млн 698,3 мың гектардан жиналды, бұл егіс көлемінің 41,6%-ын құрайды. 2 млн 462,5 мың тонна астық бастырылып, орташа өнімділік гектарына 14,5 центнер болды.
Майлы дақылдар 49,9 мың гектардан (5,7%) жиналып, 44 мың тонна тұқым алынды, орташа өнімділік гектарына 8,8 центнерді құрады.

Тұқым қоры да дайындалуда – 179,9 мың тоннасы, яғни қажетті көлемнің (514,2 мың тонна) 35%-ы салынды.

Жинау жұмыстарына 7,9 мың астық жинайтын комбайн және 8,2 мың жүк көлігі жұмылдырылған.
Диқандар дизель отынымен толық қамтамасыз етілген, егін жинау науқанына 85,5 мың тонна жанар-жағармай бөлінді.
Қосымша астық пен майлы дақылдарды кептіруге 7,5 мың тонна дизель отыны қарастырылған.

Облыстағы өнімді сақтау қуаттылығы жеткілікті – жалпы көлемі 8,3 млн тонна (34 астық қабылдау кәсіпорны – 3 млн тонна, ауыл шаруашылығы тауар өндірушілерінде – 5,3 млн тонна).
Кептіру жабдықтарымен де толық қамтылған – барлығы 415 астық кептіргіш агрегат бар, оның ішінде 96-сы элеваторларда, 319-ы ауыл шаруашылығы құрылымдарында.

Қолда бар қойма орындары мен кептіру қуаттылықтары өсірілген өнімді уақытылы өңдеп, сапалы сақтауға толық мүмкіндік береді.