2025 жылғы 20 қыркүйек күні Қарағанды облысының жастары Қарқаралы ауданында өткен «Таза Қазақстан» республикалық экологиялық акциясына қатысты.
Акция аясында жастар Қарқаралы ұлттық табиғи паркінде сенбілік ұйымдастырып, табиғатты қорғауға және экологиялық мәдениетті қалыптастыруға үлес қосты. Сонымен қатар, қатысушыларға Қарқаралы өңірінің табиғаты мен тарихи-мәдени орындары таныстырылды.
Бұл бастама экологиялық жауапкершілікті арттырып қана қоймай, жастардың табиғатты қорғау жөніндегі белсенділігін нығайтуға ықпал етті.