Астана қаласы полиция департаменті жылдам қимылдайтын арнайы жасағының аға инспекторы Олжас Жармағамбетов Абу-Дабиде өткен шеберлер арасындағы джииу-джитсудан әлем чемпионатында қола медаль жеңіп алды.
Беделді халықаралық додаға әлемнің көптеген елдерінен мықты спортшылар қатысып, жоғары деңгейдегі бәсекелестік жағдайында өз шеберліктерін көрсетті. Осындай жауапты чемпионатта ел намысын қорғаған елордалық полицей сенімді өнер көрсетіп, жекпе-жек төрінде ерік-жігері мен кәсіби деңгейін дәлелдеді.
Олжас Жармағамбетов бірнеше кезеңнен тұратын белдесулерде қарсыластарын айқын басымдықпен жеңіп, жартылай финалға дейін жетті. Нәтижесінде ол әлем чемпионатының қола жүлдегері атанып, Қазақстанның туын халықаралық аренада биікке көтерді. Қызметтік міндетін абыроймен атқара жүріп, спортты серік еткен полицей өзін тек тәртіп сақшысы ретінде ғана емес, талапшыл, мақсатқа адал, ел намысын лайықты қорғай алатын кәсіби спортшы ретінде көрсетті.
Астана қаласы полиция департаментінің жылдам қимылдайтын арнайы жасағының қызметкерлері халықаралық деңгейде жоғары дайындық пен мықты спорттық шеберлігін дәлелдеп, Қазақстанның көк байрағын тағы да биікке желбіретті. Полиция департаменті өз қызметкерлерінің жетістіктерін мақтан тұтып, халықаралық жарыстарда ел намысын қорғап жүрген спортшыларды қолдауды жалғастырады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
