Қарағандылық үстел теннисінің шебері Алан Құрманғалиев халықаралық аренадағы жүлделер қорын тағы да толықтырды. Ол Доха қаласында (Катар) өткен WTT Youth Star Contender үстел теннисі турнирінде сәтті өнер көрсетіп, екі мәрте қола жүлдегер атанды.
Қазақстан Республикасы Ұлттық олимпиадалық комитетінің мәліметінше, жекелей сында Алан Құрманғалиев бес кездесуде жеңіске жетіп, жартылай финалға дейін жетті. Бұл кезеңде ол жастар арасындағы әлем чемпионатының күміс жүлдегері, үндістандық Абхинандх Прадхивадхиге жол берді. Нәтижесінде қарағандылық спортшы турнирдің қола медалін иеленді.
Сондай-ақ Алан Құрманғалиев жұптық сында да жүлдеге қол жеткізді. Ол литвалық Игнас Сисановаспен бірге өнер көрсетіп, үшінші орынды жеңіп алды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
