Ауыл шаруашылығы Қазақстан экономикасының басым салаларының бірі

Ауыл шаруашылығы Қазақстан экономикасының басым салаларының бірі. Ауылдық жерлерде ел халқының 38%-ы тұрады, бұл шамамен 7,6 миллион адамды құрайды. Қазіргі уақытта агроөнеркәсіптік кешен еңбекпен қамтылған халықтың жалпы санының 11% жұмыс орындарымен қамтамасыз етеді.

Соңғы алты жылда АӨК мемлекеттік қолдаудың кешенді шараларын іске асырудың арқасында оң серпін көрсетті. Табыстың негізгі факторларының бірі саланы субсидиялауға қомақты қаражат бөлу болды. Осы кезеңде АӨК-ні қолдауға 2,5 трлн. теңге, бұл ретте 2025 жылға 655,2 млрд. теңге мөлшерінде қосымша қаржыландыру көзделген.

Мұндай инвестициялардың нәтижесі ауыл шаруашылығының жалпы өнімінің айтарлықтай өсуі болды. Алты жыл ішінде ол 1,8 есе өсіп, 8,3 трлн теңгеге жетті. Бұл 2018 жылмен салыстырғанда 3,8 трлн. теңгеге көп, өйткені 2018 жылы 4,5 трлн. теңгені құраған.

Бұдан басқа, мемлекеттік қолдау шараларының арқасында АӨК негізгі капиталына инвестициялар ағынының тұрақты үрдісі сақталуда.

Мәселен, соңғы бес жылда ауыл шаруашылығына инвестиция көлемі 2,5 есеге ұлғайып, 2024 жылы 919 млрд.теңгені құрады (2018 жылы салыстырғанда 365 млрд. теңге). Сол кезеңде азық-түлік өндірісіне салынған инвестициялар 40% – ға артып, 180,8 млрд.теңгеге жетті (2018 жылмен салыстырғанда 125,7 млрд. теңге).

Инвестиция сонымен қатар ауыл шаруашылығындағы еңбек өнімділігінің артуына ықпал етті. 2023 жылдың қорытындысы бойынша бір жұмыспен қамтылғандарға еңбек өнімділігі 4,2 млн.теңгені құрады, бұл 2018 жылғы көрсеткіштен екі есе көп (2,1 млн. теңге).

Соңғы алты жылда елімізде азық-түлік өндірісінің көлемі 2,1 есеге артып, 3,3 трлн. теңгені құрады. Өз кезегінде АӨК өнімдерінің экспорты да айтарлықтай өсім көрсетті. Бес жыл ішінде экспорт көлемі 1,7 есеге артып, 2024 жылы 5,1 млрд.АҚШ долларын құрады (2018 жылмен салыстырғанда 3,1 млрд. АҚШ доллары).

Осылайша, агроөнеркәсіптік кешен мемлекеттік қолдаудың, инвестициялар тартудың және еңбек өнімділігін арттырудың арқасында нығайып, дамуын жалғастыруда. Осы факторлардың барлығы ауыл шаруашылығының тұрақты дамуын және оның ел экономикасына елеулі үлесін қамтамасыз етеді.