Алматыда белгілі ақын, Халықаралық «Алаш» әдеби сыйлығының лауреаты, филология ғылымдарының кандидаты, доцент Әділғазы Қайырбековтің 70 жасқа толуына орай шығармашылық кеш өтті.
Іс-шара барысында мерейтой иесіне ҚР Президенті Қасым-Жомарт Тоқаевтың Алғыс хаты мен «Алтын Барыс» төсбелгісі табысталды. Сонымен қатар ҚР Мәдениет және ақпарат министрі Аида Балаеваның құттықтау хаты оқылды.
Кеш аясында ақынның «Ғазалғұмыр», «Көк дәптер», «Әділғазы Қайырбеков» библиографиялық көрсеткішінің таныстырылымы болды.
Келген көрерменге «Әділғазының әдемі әлемі» бейнеролигі көрсетіліп, замандас достары ақын өмірінің қызықты сәттерін бөлісіп, шығармашылығы, ғылыми еңбектері туралы сөз қозғады.
Мерейтой аясында Ұлттық кітапхана қоры мен автордың жеке мұрағатынан Әділғазы Қайырбековтің өмірі мен шығармашылығына арналған көрме ұйымдастырылды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
