Қазақстан қазіргі заманғы медиасаланы дамытып келеді

БДИПЧ/ОБСЕ гуманитарлық өлшем бойынша конференциясында Қазақстанның «Баспасөз туралы» заңы талқыланды

2025 жылғы 6-17 қазан аралығында Польша Республикасының Варшава қаласында БДИПЧ/ОБСЕ гуманитарлық өлшем бойынша конференциясы өтуде.
Осы шара барысында адам құқықтары саласындағы заңнаманы реформалау барысы қаралып, оның ішінде масс-медиа саласындағы жаңалықтар талқыланды.
2024 жылы қабылданған «Баспасөз туралы» заң Қазақстанның ақпараттық саясатын жаңғыртудың маңызды кезеңі болды. Бұл құжат конституциялық кепілдіктер мен Адам құқықтарының жалпыға бірдей декларациясының 19-бабы және Азаматтық және саяси құқықтар туралы халықаралық пактіде бекітілген халықаралық нормаларға жүйелі түрде сәйкес келеді.
Заң журналистердің ақпаратқа қол жеткізу құқығын, дереккөздерді қорғауды және кәсіби қызметтегі тәуелсіздігін қамтамасыз етеді.
Сонымен қатар, шектеулер тек ұлттық қауіпсіздікті, жеке деректерді және қоғамдық моральды қорғау мақсатында нақты әрі айқын негіздермен орнатылады.
«Біз сөз бостандығы жауапкершілікпен үйлесетін, журналистика билік пен қоғам арасындағы көпір қызметін атқаратын медиа кеңістікті құрамыз», — деді Михаил Комиссаров, Варшава қаласындағы (Польша) БДИПЧ/ОБСЕ гуманитарлық өлшем конференциясы аясында.

Ашықтық, диалог және сенім: Қазақстан қазіргі заманғы медиасаланы дамытып келеді

2025 жылғы 6-17 қазан аралығында Польша Республикасының Варшава қаласында БДИПЧ/ОБСЕ гуманитарлық өлшем бойынша конференциясы өтуде.
Осы шара барысында адам құқықтары саласындағы заңнаманы реформалау барысы қаралып, оның ішінде масс-медиа саласындағы жаңалықтар талқыланды.
Соңғы екі жылда Қазақстанда отандық БАҚ-ты дамытуға, олардың бәсекеге қабілеттілігін арттыруға және қоғамның журналистикаға сенімін нығайтуға бағытталған ауқымды бағдарлама жүзеге асырылуда. Жаңа нормативтік база мемлекеттік органдардың ресми ақпаратты ұсыну мерзімін қысқартуды, журналистерге заңсыз қысым көрсетуден қорғанысты күшейтуді және мемлекеттің кәсіби медиа қоғамдастықпен өзара іс-қимылын қамтамасыз ететін институттық механизмдерді қарастырады.
Ақпараттық саясат саласының сарапшысы Михаил Комиссаров қоғам, билік пен медианың өзара сенім мен жауапкершілікке негізделген диалогы қалыптасқан орта құру басты басымдық екенін атап өтті. «Тек еркін әрі кәсіби БАҚ қоғамды жаңғыртудың қозғаушы күші бола алады», — деді ол.