Семейде дзюдодан Қазақстан Республикасының чемпионаты өз мәресіне жетті. 10-13 қараша аралығында өткен жарысқа еліміздің барлық өңірлерінен 569 спортшы қатысып, 14 салмақ дәрежесі бойынша бақ сынады.
Бұл айтулы сайыста Абай облысының спортшылары жоғары нәтиже көрсетті. Жарыс қорытындысы бойынша жалпы командалық есепте Маңғыстау облысы 1 орынды (3 алтын, 1 күміс), Абай облысы 2 орынды (2 алтын, 4 күміс, 3 қола), Атырау облысы 3 орынды (2 алтын, 2 күміс) иеленді.
Өңір дзюдошылары аралас-командалық сында Жамбыл, Жетісу, Қызылорда облыстары мен Астана қаласының командаларын жеңіп, чемпион атанды.
Чемпионат жеңімпаздары мен жүлдегерлері алдағы халықаралық жарыстарда ұлттық құраманың сапында ел намысын қорғауға мүмкіндік алады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
