Қазақстан Республикасының Ұлттық академиялық кітапханасында ақын, Қазақстанның еңбек сіңірген қайраткері, Халықаралық «Алаш» әдеби сыйлығының лауреаты Серік Тұрғынбекұлының 80 жылдық мерейтойына арналған «Өмірге өлең керек» атты шығармашылық кездесу өтті.
Іс- шараға мемлекет және қоғам қайраткерлері, ақын-жазушылар, ғалымдар, зиялы қауым өкілдері мен оқырмандар қатысты.
Іс-шара барысында ақын Қалқаман Сарин Қазақстан Республикасының Мемлекеттік кеңесшісі Ерлан Қариннің құттықтау хатын оқыды. Сонымен қатар Қазақстан Жазушылар одағы төрағасы Мереке Құлкеновтің құттықтау хаты оқылды.
Кеш барысында ақын өлеңдеріне жазылған әндер орындалып, жыр оқылды, қаламгер шығармашылығына арналған естеліктер айтылды. Қатысушылар ақынның шығармашылық жолына тоқталып, оның ұлттық әдебиетке қосқан үлесін атап өтті.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
