Қазақстандық әнші Димаш Құдайбергенге Лос-Анджелестегі тыңдармандары ерекше тосынсый жасады. Бұл туралы Димаш өзінің әлеуметтік желідегі парақшасында жазды.
Жетінші жыл қатарынан мені таңқалдырумен келесіздер. Бұл жолы америкалық фан-клуб Лос-Анджелесте ұшақпен шоу жасап ерекшеленді. Алғыс білдіремін. Жақсы көремін, – деп жазды Димаш Instagram парақшасында.
Димаш жеке парақшасына жүктеген видеодан Тынық мұхиты үстінде әншінің фотосы мен аты-жөні жазылған плакатты көруге болады.
Айта кетейік, бұған дейін Димаш Құдайберген қазақтың ұлы ақыны Абай Құнанбаевтың туған күніне орай челлендж бастады.
Димаш Құдайберген – 1994 жылы Ақтөбеде дүниеге келген қазақстандық әнші. Ол Витебск қаласында өткен XXIV Халықаралық эстрадалық ән орындаушылар «Славян базары-2015» байқауында Гран-при жеңіп алған.
2017 жылы Димаш Қытайдағы «I am a singer» жобасында екінші орын алды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.