фото:ашықдереккөз
Енді Бейнеу терминалы бидай экспортының негізгі бағыттарының бірі болмақ. Еліміздің азық-түлік корпарациясының басшысы Ауғанстан өкілдерімен кездесіп, негізгі тақырыптарды талқылады. Елімізде ауыл шаруашылығы саласын дамыту басты назарда екені анық. Сол себепті өнімді сыртқа шығару, яғни экспорттауға ерекше көңіл бөлінеді. Бейнеу терминалыының бұл бағытта орны ерекше. Қос тарап терминалдың астықты жеткізу мәселесін талқылай отырып, екі жақты ынтымақтастықты нығайтуға мүмкіндік алды. Негізінен отандық бидайды Ауғанстан мен Пәкістан елдеріне экспорттаудың бағыттары ұйымдастырылуы тиіс. Ол үшін бар мүмкіндіктер пайдаланылады.
Премьер-министрдің баспасөз қызметі хабарлағандай, вице-премьер Серік Жұманғарин Ауғанстан, Түрікменстан және Өзбекстан делегацияларымен бірлесіп Бейнеу астық терминалында бас қосты. Жалпы алғанда, Маңғыстау облысының аумағында орналасқан терминалдың ауданы – 26 га. Сол арқылы Қазақстан-Түрікмен шекарасына тікелей шығуға мүмкіндік бар. Мұнда 8 км теміржол жолдары мен өзінің жылжымалы құрамы бар перспективалы логистикалық хаб орналасқан. Терминал 100 мың тонна астық сақтай қалады. Шамамен күніне 500 вагон қабылдай алады. Ал жылына 2 миллион тоннаға дейін астық таситын көлікпен қамтамасыз етеді. Ал келешекте терминалдың мүмкіндіктері кеңейеді.
Сонымен бірге тәулігіне 320 тонна ұн, 80 тонна кебек өндіруге болады. Бүгінгі таңда құрал-жабдықтарды жаңғыртылып жатыр. Келешекте тәулігіне 400 тонна ұн өндіретін желілер іске қосылады. Бұдан бөлек 24 сағатта 240 тоннаға дейін жем өндіру жолға қойылады.
Алдағы уақытта жаңа маршруттар туралы жоспарды жүзеге асыру үшін шекара маңындағы аумақтарда қосымша қойма үй-жайларын салу және Түркіменстан аумағы арқылы логистиканы жолға қою талап етіледі. Мүдделі тараптар қазақстандық астықты жеткізудің жаңа экспорттық бағытын құру бөлшектерін пысықтауға ниетті.
Ж.Жұманбаева
altyalash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
