фото:ашықдереккөз
Құс етін өндіретін «Қарабалық» құс фабрикасын қалпына келтіруге назар аударылып жатыр. Poultry-Agro(бұрын Комсомольская деп аталды) 2020 жылдың қарашасында іске қосылды. Аз уақыттың ішінде фабрика өндірістік қуатқа шығып, Қазақстанның бірнеше өңіріне өнім беріп жатыр.
«Жобаны үкімет деңгейінде жүзеге асыру үшін құс фабрикасы ТОП-8 жобаға енгізілді, олардың алдында қазақстандық нарықты отандық құс етімен қамтамасыз ету міндеті тұрды. Қазіргі уақытта компания өнімдері Қостанай, елорда және еліміздің басқа облыстарындағы сауда желілерінде сатылуда», – деді компанияның бас директоры Қайрат Майышев Facebook парақшасында.
Фабрикада толық өндірістік цикл бар: қазіргі уақытта кәсіпорын аумағында 12 құс қорасы, жем зауыты, сою және құс етін өңдеу цехы бар. Барлық қажетті инженерлік коммуникациялармен қамтамасыз етілген. Құс фабрикасында 200-ден астам адам еңбек етеді.
Өндірістің экономикалық тиімділігі Қазақстанда құс етін тұтынудың орташа жылдық өсу қарқыны 1,3% құрап, 263,9 мың тоннаға жеткенімен байланысты. Қазақстанда жан басына шаққандағы құс етін тұтыну 12,9 кг құрайды. Қазіргі таңда кәсіпорын өндіріс қуатын арттыруды жоспарлап отыр. Қарабалық құс фабрикасының 1976 жылы жоғары мемлекеттік награда «Құрмет белгісі» орденімен марапатталғанын айта кеткен жөн.
Ж.Жұманбаева
altyalash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
