ҚР Үкіметі 2022 жылы 31 заң жобасын әзірлейді. Бұл туралы ҚР Әділет министрі Марат Бекетаев айтты, деп хабарлайды altyalash.kz сайты.
«2022 жылға арналған Үкіметтің заң жобалау жұмыстары жоспарының жобасында 31 заң жобасын әзірлеу көзделген. Оның ішінде бірінші жартыжылдықта Парламентке – 11 заң жобасын және екінші жартыжылдықта 20 заң жобасын енгізу қажет. Жалпы, жоспар жобасы Президент пен мемлекеттің стратегиялық құжаттарында айқындалған міндеттер негізінде әзірленді», – деді министр бүгін Үкімет отырысында.
Мәселен, оның айтуынша, «Қазақстан Республикасының Әлеуметтік кодексі», «Кәсіби біліктіліктер туралы» және «Агломерацияларды дамыту туралы» заң жобаларын әзірлеу Мемлекет басшысының осы жылғы 1 қыркүйектегі Жолдауын іске асыру жөніндегі Жалпыұлттық іс-шаралар жоспарынан туындайды.
«Бұдан басқа, тұтынушылардың құқықтарын қорғау, сәйкестікті бағалау және жылу энергетикасына қатысты жаңа заң жобаларын әзірлеу жоспарлануда. «Құқықтық актілер туралы» Заңға сәйкес жоспардың жобасы Мемлекет басшысымен келісуге жатады. Жоспар жобасын Президент Әкімшілігіне жіберу ұсынылады», – деді Марат Бекетаев.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
