Ішімдікке, темекіге, есірткіге, құмар ойындарға тәуелді болу – осы күнгі жастардың басты кемшілігі. Асқақ арман мен ұшқыр қиялдың жетегінде жүретін алаңсыз жастық шағын зиянды әдеттермен улаған жас буынның болашағы кімді де болса ойландырады.
Зиянды әдеттерге темекі, ішімдік, есірткі, уытты заттарды тұтыну, сондай-ақ ойынқұмарлыққа салыну жатады. Бұл заттарды ұзақ уақыт, ал кейде тіпті аз ғана уақыт пайдаланғанда немесе әуестенгенде организм психикалық және тәндік тәуелділікке ұшырайды. Зиянды заттар мен әдеттерге тәуелді болудың барлық түрі ақырында ауыр науқасқа шалдықтырады. Бұл аурулар ұзақ әрі арнайы емдеуді қажет етеді. Адам зиянды заттарды пайдаланудан сақтану үшін олардың кейінгі зардаптарын білу керек. Осы құбылыстың себептері белгілі болған жағдайда ғана зиянды әдеттермен күресу өз нәтижесін береді.
Жастар арасында салауатты өмір сүру салтын насихаттап, спортқа баулитын шаралар жиі ұйымдастырылып жатыр. Соның бірі Алматы қаласы Жастар саясаты басқармасының «Салауатты өмір сүру» жобасы аясында «Social project mаnаgement орталығы» қоғамдық қорының ұйымдастыруымен өткен семинар-тренингтер.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.