Түркияның оңтүстік-шығысында жойқын жер сілкінісі болды. Жерасты дүмпуі бірнеше рет қайталанды. Газиантепте қираған ғимарат үйіндісінің астынан 28 сағаттан кейін 4 адамды құтқарды. Құтқарушылардың ерлігі туралы Aikyn.kz сайты «Анадолы» агенттігіне сілтеме жасап хабарлайды.
Кахраманмараш аймағында қираған үй, ғимараттардың үйіндісінің астынан тірі қалған тұрғындарды құтқару жалғасып жатыр. Жермен-жексен болған ғимараттың астынан 28 сағаттан кейін әйелді үш баласымен бірге құтқарды.
Жандарм, құтқарушы, дәрігерлер Фатих Сұлтан ауданында орналасқан жер сілкінісінен қираған 6 қабатты «Фуркан» тұрғын үй кешені тұрғындарын үйінді астынан аршып алып жатыр.
Апаттан кейін шамамен 28 сағат өткен соң Дөн Өзқылыч пен оның бала-шағасы Абдулқадыр, Бейза мен Элиф үйінді астынан шығарылды. Құтқарушылар жаралы отбасын ауруханаға жөнелтті.
Бұған дейін Түркиядағы жер сілкінісінен зардап шеккендерге көмек көрсету үшін Қазақстаннан бір топ құтқарушы Президент тапсырмасымен аттанғанын жазған болатынбыз.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.