Қазақстандық кәсіпқой боксшы Сұлтан Зәуірбектің (13-0, 9КО) келесі жекпе-жегі қашан өтетіні анықталды, деп хабарлайды Egemen.kz.
Сұлтан Зәуірбектің жекпе-жегі 24 наурызда Ұлыбританияның Болтон қаласында өтеді. Ол бұл жекпе-жекті аргентиналық Фасундо Арсемен (15-9-2, 7КО) өткізеді.
Хабарланғандай, боксшылар кездесу алдында салмақ өлшеу рәсімінен өтіп үлгерді. Қазақстандық боксшының салмағы жартылай орта ауырлық санатындағы лимиттен асқан жоқ.
Зәуірбек пен Арсе Болтондағы бокс кешінің андеркардында шығады. Ал басты жекпе-жекте британдық Лайндон Артур (21-1, 15КО) мен аргентиналық Брайан Суарес (18-1, 17КО) IBO-ның жартылай ауыр салмақтағы әлем чемпионы титулын сарапқа салады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
