Қостанай облысында Antares қаржы пирамидасын ұйымдастырған әйел сотталды, – деп хабарлайды Aikyn.kz.
Пирамида ұйымдастыру фактісін ҚМА Қостанай облысы бойынша департаментінің қызметкерлері анықтады.
2021 жылы сотталушы Antares қаржы (инвестициялық) пирамидасының құрылымдық бөлімшесінің қызметін басқарғаны және адамдар алдын ала сөз байласу бойынша азаматтарды шетел валютасындағы қолма-қол ақша салуға тартқан. Күнделікті кепілдендірілген пайда алу мүмкіндігі туралы жалған ақпарат таратты.
Бұл әрекеттермен 33 жәбірленушіге жалпы сомасы 50 млн теңгеге жуық материалдық залал келді.
Сот әйелді 6 жылға бас бостандығынан айырды.
Сот сотталушының 3 жас баласы және жүкті екенін ескеріп, жазаны орындауды 5 жылға кейінге қалдырды.
Үкім заңды күшіне енген жоқ.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
