Көзілдірік тағудың пайдасы мен зияны қандай?

Көру қабілеті нашар адамдар үшін көзілдірік таптырмас құрал. Десе де оның артық және кемшін тұстары бар.

Көзілдірік тағудың артықшылықтары

– Көзілдірік – көру қабілетін түзетудің ең қауіпсіз әдісі;

– Көзілдірік тағуға қарсы көрсетілімдер жоқ. Оларды кез келген жағдайда киюге болады;

– Көзілдірікті линзаларға қарағанда бір рет сатып алып, бірнеше жыл тағуға болады;

– Көзілдірікке күтім жасау оңай;

– Көзілдірік линзалар сияқты жиі және тұрақты ауыстыруды қажет етпейді;

– Стильді аксессуар;

– Көзілдірікті тағу және шешу оңай;

– Инфекция жұқтыру қаупі өте төмен;

– Шаң мен желден қорғайды.

Көзілдірік тағудың кемшіліктері

– Бәріне бірдей ұнай бермейді және көп адамдар көзілдірік тағудан ұялады;

– Спортпен шұғылдануға ыңғайсыз;

– Көзілдірік температураның күрт өзгеруінен тұманданады. Сондықтан жаңбырлы ауа райында немесе қыста ыңғайсыз;

– Көзді кішірейтеді, диоптриялық линзалар неғұрлым көп болса, бұл әсер соғұрлым айқын көрінеді;

– Миопияның жоғары деңгейінде ұзақ бейімделуді қажет етеді.

Меруерт САҒЫМХАН