Түркістан облысында өнеркәсіптік көлемде банан өндіріле бастайды, деп хабарлады Halyq Uni тілшісі.
Ауыл шаруашылығы министрлігінің мәліметінше, түріктің Gengroup Qazaqstan компаниясы өңірде банан отырғызылған 5,3 гектар жылыжай кешенін салған. Қазақстанның климаттық жағдайларына бейімделген бананның сорты арнайы өсірілді.
Жақын арада жылыжай тағы 5 гектарға кеңейтіледі. Бұл жылына шамамен 1 мың тонна банан өндіруге мүмкіндік береді. Алғашқы өнімді 6-8 айдан кейін жинау жоспарланып отыр. Экзотикалық жемістерден басқа, жылыжайда қызанақ пен құлпынай өсіріледі.
Жобаның құны бірінші кезеңде 4 миллион АҚШ доллары болды. Түрік компаниясы құрылыс кезінде жоғары беріктігі бар құрылымдарды пайдаланды. Жылыжайлар климаттық бақылаумен және бейімделгіш қоректендіру жүйесімен жабдықталған. Бұл өсімдіктердің генетикалық әлеуетін қолайсыз ауа-райында да толық ашуға мүмкіндік береді.