Еліміздің 5 облысында көлік қозғалысына шектеу енгізілді

Жетісу облысы:

«Үшарал-Достық» а / ж, Көктұма станциясынан Достық станциясына дейінгі учаске (100 шқ).

Шектеу ауа райының нашарлауына байланысты (боран, жолдың көрінбеуі) көліктің барлық түрлеріне енгізілді. Жиналған көлік саны – 68 жүк көлігі.

Алматы облысы:

«Алматы-Ташкент-Термез» а / ж облыс, Жаңақұрылыс ауылынан Жамбыл облысының шекарасына дейінгі учаске (84 шқ).

Шектеу Жамбыл облысында ауа райының нашарлауына байланысты енгізілді және көліктің барлық түрлері үшін қолданылады. Көліктің жиналуы жоқ.

Атырау облысы

«Ақтөбе-Атырау – Ресей Федерациясының шекарасы (Астраханьға)» 712-893 шқ, Жанбай кенті Ресей Федерациясының шекарасына дейін (Астраханьға).

Шектеу көліктің барлық түрлеріне қолданылады (жаңбыр, көктайғақ).

Жамбыл облысы (жиынтық 600 шқ):

1. «Алматы-Ташкент-Термез», Кенен ауылынан Қайнар ауылына дейінгі учаске (Жаңа Қордай асуы) – 95 шқ;
2. «Шу-Қайнар» – 56 шқ;
3. «Алматы-Ташкент-Термез», Қайнар ауылынан Түркістан облысының шекарасына дейінгі учаске-354 шқ;
4. «Алматы-Ташкент-Термез», Алматы облысынан Қайнар ауылына дейінгі учаске-95 шқ.

Шектеу ауа райының нашарлауына байланысты енгізілді (нөлден төмен температурада жаңбыр, көктайғақ) және көліктің барлық түрлеріне қолданылады. Қайта жабылған учаскелерде 50 автомобиль, оның ішінде 30 жүк және 20 жеңіл автомобиль жиналды.

Түркістан облысы:

«Алматы-Ташкент-Термез» а / ж, Машат ауылынан Жамбыл облысының шекарасына дейінгі учаске (62 шқ).

Шектеу Жамбыл облысында ауа райының нашарлауына байланысты енгізілді және көліктің барлық түрлері үшін қолданылады. Көліктің жиналуы жоқ.

Жалпы, қазіргі уақытта шектеу республикалық автожолдардың 846 шқ енгізілген. Жаңадан жабылған учаскелерде 118 көлігі, оның ішінде 98 жүк және 20 жеңіл көлік жиналды.

Республикалық маңызы бар автожолдарда көктайғаққа қарсы және қар тазалау жұмыстарын жүргізетін 260 техника жұмылдырылды.