ӨСКЕМЕН. KAZINFORM – Шығыс Қазақстан облысында қызылша жұқтырғандар саны артып келеді.
ШҚО санитарлық-эпидемиологиялық бақылау департаменті баспасөз қызметінің мәліметіне сүйенсек, өңір бойынша қаңтар айының басынан 59 адам қызылша жұқтырды.
Оның ішіндегі 32-сі ересек, 25-і 14 жасқа дейінгі бала, 2-сі жасөспірім.
«Сырқаттанғандардың 30,5 пайызы екпе алмаған және вакцинация туралы мәліметі жоқ адамдар. ҚР Бас мемлекеттік санитарлық дәрігерінің № 7 қаулысына сәйкес, өткен жылдың 6 қарашасынан қызылшаға, қызамыққа және паротитке қарсы вакцинация жүріп жатыр. Жалпы облыста 6 айдан 11 айға дейінгі 6960 бала екпе алуға жатады. Осы күнге дейін олардың 44% пайызына екпе салынды» делінген ақпаратта.
Ал 2-4 жастағы екпе алуға жататын бала саны — 24 700.
Бүгінде олардың 73,4% пайызы вакцина салдырған.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.