фото: news.myseldon.com
Туризм және спорт министрі Ермек Маржықпаев Париж Олимпиадасында Қазақстан Туын спортшылардан кімдер ұстауы мүмкін екенін айтты,
Үміткерлер бар. Біріншіден, бокстан Қазақстан құрамасының мүшесі Асланбек Шымбергенов (71 келі). Екіншіден, қыз спортшы бар. Бірақ оның аты әзірше белгісіз. Енді лицензиялық турнирлер бітеді, содан кейін оның атын айтамыз, – деді Ермек Маржықпаев Үкіметтің баспасөз орталығында.
Осы орайда министр «Жеңіл атлет Надежда Дубовицкая Қазақстан Туын ұстауы мүмкін бе?» деген сұраққа да жауап бере кетті.
«Қазір (Надежда Дубовицкаяда) лицензия жоқ. Егер спортшыда лицензия болса, бұл мәселені қарастырамыз. Бірақ бір қыздың болатыны анық», – деді ол.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
