Арал теңізінде су көлемі ұлғайды

Фото: Су ресурстары және ирригация министрлігі

Жыл басынан бері Солтүстік Арал теңізіне 1,1 млрд текше метр су келіп, ондағы су көлемі 21,4 млрд текше метрге жетті,

Су ресурстары және ирригация министрлігінің мәліметінше құрамына Қазақстан, Қырғызстан, Тәжікстан, Түрікменстан, Өзбекстан кіретін Мемлекетаралық су шаруашылығы комиссиясының 86-шы отырысында тараптар суару маусымында Солтүстік Аралға ағын секундына кемінде 30 текше метр болады және 997 млн текше метр су жіберіледі деп келісті. Қазіргі уақытта теңізге секундына 50 текше метр су келеді. Бір жыл бұрын ағын секундына 6 текше метр болған.

Осыған дейін Солтүстік Аралды оңтүстіктен бөліп тұрған Көкарал бөгетінің құрылысы аяқталып, су деңгейін көтеруге мүмкіндік берді.

«Бөгет пайдалануға берілгеннен бүгінге дейін Сырдария өзенінен Солтүстік Арал теңізіне 46,6 млрд текше метр су келді. Ал соңғы 7 жылда теңізге 13,3 млрд текше метр су түсті. Соңғы жылдары Солтүстік Аралдың су көлемі азайды, алайда 2024 жылдың басынан бастап деңгейі қайта көтеріле бастады және бүгінде 21,4 млрд текше метрге жетті», деді ведомствоның ресми өкілі Мөлдір Әбдуалиева.

Айта кетсек, Сырдария өзені ағынының 75%-ы Қырғызстанда, 20%-ы Өзбекстанда, 5%-ы Қазақстанда қалыптасады.

Арал теңізінде су көлемі ұлғайды

TikTok-қа салған видеосы үшін 80 сағатқа қоғамдық жұмысқа тартылды

Дағыстандағы лаңкестік: Қасым-Жомарт Тоқаев Ресей президентіне көңіл айтты

Пікір қалдыру Бас тарту

ЕҢ КӨП ҚАРАЛҒАНДАР

Елордададағы спартакиадада жүлделі оралған спортшыларды қабылдады

Африка елдеріне қазақ балаларын асырап алуға жол берілмейді – СІМ

Диплом – жалған

Ақын Серік Қалиев дүниеден өтті

Табиғат – біздің үйіміз